Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 35.11 | Dem. 35.14 (English) | >>Dem. 35.18 |
35.13λέγε δὴ καὶ τὰς μαρτυρίας .κατὰ τὴν συγγραφὴν ταύτην , ὦ ἄνδρες δικασταί , ἐδάνεισα τὰ χρήματα Ἀρτέμωνι τῷ τούτου ἀδελφῷ , κελεύοντος τούτου καὶ ἀναδεχομένου ἅπαντα ἔσεσθαί μοι τὰ δίκαια κατὰ τὴν συγγραφήν , καθʼ ἣν ἐδάνεισα τούτου αὐτοῦ γράφοντος καὶ συσσημηναμένου , ἐπειδὴ ἐγράφη . οἱ μὲν γὰρ ἀδελφοὶ οἱ τούτου ἔτι νεώτεροι ἦσαν , μειράκια κομιδῇ , οὑτοσὶ δὲ Λάκριτος Φασηλίτης , μέγα πρᾶγμα , Ἰσοκράτους μαθητής ·
ἐὰν δὲ μὴ εἰσβάλωσι ,μείναντες ἐπὶ κυνὶ ἡμέρας δέκα ἐν Ἑλλησπόντῳ ,ἐξελόμενοι ὅπου ἂν μὴ σῦλαι ὦσιν Ἀθηναίοις ,καὶ ἐντεῦθεν καταπλεύσαντες Ἀθήναζε τοὺς τόκους ἀποδόντων τοὺς πέρυσι γραφέντας εἰς τὴν συγγραφήν .ἐὰν δέ τι ἡ ναῦς πάθῃ ἀνήκεστον ἐν ᾗ ἂν πλέῃ τὰ χρήματα ,σωτηρία δʼ ἔσται τῶν ὑποκειμένων ,τὰ περιγενόμενα κοινὰ ἔστω τοῖς δανείσασιν .κυριώτερον δὲ περὶ τούτων ἄλλο μηδὲν εἶναι τῆς συγγραφῆς .Μάρτυρες·
Φορμίων Πειραιεύς ,Κηφισόδοτος Βοιώτιος ,Ἡλιόδωρος Πιθεύς .
35.14
Μαρτυρίαι
Ἀρχενομίδης Ἀρχεδάμαντος Ἀναγυράσιος μαρτυρεῖ συνθήκας παρʼ ἑαυτῷ καταθέσθαι Ἀνδροκλέα Σφήττιον ,Ναυσικράτην Καρύστιον ,Ἀρτέμωνα ,Ἀπολλόδωρον Φασηλίτας ,καὶ εἶναι παρʼ ἑαυτῷ ἔτι κειμένην τὴν συγγραφήν .
Μαρτυρία
35.15
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 35.11 | Dem. 35.14 (English) | >>Dem. 35.18 |